{"id":99,"date":"2020-07-09T15:03:21","date_gmt":"2020-07-09T15:03:21","guid":{"rendered":"http:\/\/ihjj.hr\/kristijanovic\/?page_id=99"},"modified":"2021-01-15T19:37:59","modified_gmt":"2021-01-15T19:37:59","slug":"iz-danice-zagrebecke-segave-pripovesti-i-zganke","status":"publish","type":"page","link":"https:\/\/kristijanovic.jezik.hr\/index.php\/iz-danice-zagrebecke-segave-pripovesti-i-zganke\/","title":{"rendered":"Iz Danice zagrebe\u010dke: \u0160egave pripovesti i zganke"},"content":{"rendered":"

<\/a>Ciganu ne veruj<\/em><\/strong><\/p>\n

Kad bi se nekoj mu\u017e z Ciganom za konja bil poga\u0111al, pital ga je ima li kakvu falingu. \u201eDruge falinge nema\u201c, rekel mu je Cigan, \u201esamo kaj na drvo ne\u010de.\u201c Mislil si je mu\u017e vu sebi: \u201eO, ti \u0161upla glavica, pak kad si videl konja na drvo iti!\u201c Ali za kratki \u010das je spoznal da je Cigan imal prav kad je rekel da konj koga mu je prodal, na drvo ne\u010de. Ar kad bi na njem domom ja\u0161u\u010di do jednoga mosta bil do\u0161el, konj nikak se nije dal na most akoprem je na njem vsega korba\u010da strgal i jednu ostrugu potrl. Zato povrnul se je nazad k Ciganu, koga je na sre\u010du pod sencum pri lagvu sede\u010dega na\u0161el, i na njega mrsko navale\u010di, rekel mu: \u201e\u010cuje\u0161, Cigan, ti si me vkanil. Rekel si da ov konj nikakve falinge nema, pak vendar kad do mosta dojde, ne da se prek ako bi ga taki z no\u017eem parat. Zato ovo ti ga nazad, a ti moje novce marljivo nazad povrni.\u201c Cigan mu se nasmeje i veli: \u201eKaj nis rekel da druge falinge nema, samo kaj na drvo ne\u010de?\u201c (Danica zagrebe\u010dka 1838: 106)<\/p>\n

 <\/p>\n

<\/a>Svetki gibu\u010di i negibu\u010di ovoga leta<\/em><\/strong><\/p>\n

Svetki negibu\u010di <\/em>zoveju se oni koji nigdar od svojeh sebi vre od svete matere Cirkve odlu\u010denoga dana ne odstupljuju. Ovak na priliku Bo\u017ei\u010d <\/em>je svetek negibu\u010di kajti navek na 25. grudna opadne. Svetki<\/em> pak gibu\u010di <\/em>jesu takvi koji svoje dane vsako leto menjaju. Ovak vu peldi Vuzem <\/em>je svetek gibu\u010di kajti negda raneje, negda pak kesneje doha\u0111a. Ali letos red ov \u010disto premeni se, pak svetki koji su predi bili negibu\u010di, gibljivi<\/em> postaneju kajti vnoge dobre kr\u0161\u010denike iz doma vlekli i v cirkvu k me\u0161i i k prode\u010dtvu gibali<\/em> budeju. Suprotivnem pak na\u010dinom svetki predi biv\u0161i gibljivi, letos premeniju se na negibu\u010de<\/em> kajti vnogoga vsi zvoni genuti <\/em>ne budu mogli da bi se na njihov dan vu cirkvu iti odlu\u010dili.<\/p>\n

 <\/p>\n

<\/a>Od postov, kvatrih i korizme<\/em><\/strong><\/p>\n

Koj ne bude imal kaj jesti, on bude na sam Bo\u017ei\u010d<\/em> i Vuzem<\/em> ovo leto postil. Koji pak budu imali z \u010dem nahraniti se, niti na isti Veliki petek<\/em> ne. Iznimlju se vendar oni pobo\u017eni<\/em> koji i\u0161\u010deju najprvi\u010d Kraljestvo Bo\u017eje i pravicu njegovu i potlam stoprv po\u010dmeju misliti kaj budeju jeli i kaj budeju pili i z \u010dem se budeju opravljali.<\/p>\n

Letos budeju kvatri<\/em> samo za redovnike i fratre. Neg i od drugeh dobreh<\/em> kr\u0161\u010denikov je nijeden, to znam dobro, ne zatre.<\/p>\n

Korizma <\/em>ovo leto pri nekojeh bude cela<\/em>. Pri nekojeh samo zadnji tjeden<\/em> trpela. Koji pak za svoju<\/em> nikaj ne daju veru, oni si ba\u0161 i za korizmu<\/em> puno glave ne teru.<\/p>\n

 <\/p>\n

<\/a>Od leta i njegoveh strankah<\/em><\/strong><\/p>\n

Vu\u010deni jesu se od toga dugo vremena med sobum pravdali je li je najmre na\u0161a Zemlja na koji mi \u017eivemo, \u010disto okrugla ali pak samo okruglasta, onak na priliku kak je jajce. Za dugem pregovarjanjem vu tom se najzadnji\u010d vsi do jednoga jesu pogodili da od svet<\/em> nije na \u010detiri vugle<\/em> i da leto<\/em> dvanajst mesecov ima. Ravno tak i ovo su zna\u0161li da kajgoder ima po\u010detek<\/em>, tukaj\u0161e i konec<\/em> imati mora. I da novo leto ne more se zapo\u010deti prvlje, nego se staro dokon\u010da.<\/p>\n

Vu istoj priliki dok su skup sedeli da z mudrovanji svojemi svet obogatiju, leto na \u010detiri stranke<\/em>, najmre na protuletje<\/em>, leto<\/em>, jesen<\/em> i zimu <\/em>jesu razdelili i od njih gatali da za nevaljane ljudi i zlo\u010deste gospodare ne budeju ba\u0161 jako pridne i najbolj\u0161e. Kaj takaj i to da on koj vse \u010detiri stranke pre\u017eive, bude za jedno leto stare\u0161i. Zadnji\u010d su dokon\u010dali da Mesec<\/em> kak se god nam velik vidi, ne va\u017ee vi\u0161e kak samo jeden funt pokehdob \u010detiri frtalje<\/em> ima. I z tem su se razi\u0161li.<\/p>\n

 <\/p>\n

<\/a>Od Meseca i leto\u0161njega planete<\/em><\/strong><\/p>\n

Mesec<\/em>, kak je malo predi re\u010deno, ima \u010detiri frtalje, otkud, kajti se mesec na leto trinajstkrat<\/em> menja, gospoda P. T. iglobodci <\/em>koji se zevsum silum opravomerniki<\/em> (Kleider-Ingeniurs<\/em>) zvati ho\u010deju, ispeljati trsiju se da leto nije, kak zvezdari misliju, 12 mesecov neg 13 refov dugo. To pak oni ovak doka\u017euju: 13 refov, vele oni, izna\u0161a vuprav 52 frtalje, a vsaki frtalj \u010dini jeden tjeden. Kajti pak leto ima 52 tjedne, anda ima i 52 frtalje pokehdob tjedni iz frtaljov bivaju. Vre pako 52 frtalji \u010diniju 13 refov, anda leto, kajti takaj 52 frtalje ima, je dugo 13 refov. Sad naj jo\u0161\u010de gdo re\u010de da i gospoda iglobodci <\/em>argumenterati ne znaju.<\/p>\n

Jako se pak varaju vsi oni zvezdari<\/em> i kalendarov slo\u017eiteli<\/em> koji za leto\u0161njega planetu Marsa<\/em> postavljaju. Da su oni raj\u0161i rekli da kraljuju\u010di letos planeta bude Venus<\/em>, onda bi ja njihovu znanost pohvalil.<\/p>\n

 <\/p>\n

<\/a>Od Sunca i Meseca pomra\u010denj<\/em><\/strong><\/p>\n

Celo<\/em> Sunca i Meseca pomra\u010denje <\/em>vu na\u0161em horvatskem orsagu bude onem samo vidljivo koji vu kleti ali pak vu kr\u010dmi do 25 srablivcev dotiraju. Koji pako samo 12 peharcev ispiju, taki budeju lepo zra\u010dno skazanje, najmre parheliju\u0161a ili pak para\u017eelene videli, iliti: njim se iz jednoga Sunca troje<\/em>, a iz jednoga Meseca \u010detiri<\/em> meseci pre\u010diniju. I tak druge stvari vu njihoveh o\u010dih vse se pove\u010dstru\u010diti ho\u010deju.<\/p>\n

 <\/p>\n

<\/a>Od snega i mraza<\/em><\/strong><\/p>\n

Ovo leto, kaj je \u010duda vredno, bude sneg<\/em> sred leta i sred najvek\u0161e vru\u010dine padal i to pri oneh samo hi\u017eah gde se kukuruza<\/em> vejala ali op\u010dinjala bude. Mraza <\/em>po glavi sedeh starcev bude celo leto dosta.<\/p>\n

 <\/p>\n

<\/a>Od tu\u010de i solike<\/em><\/strong><\/p>\n

Tu\u010de <\/em>ovo leto dosta bude, najmre po \u0161kolah, zatem pred vara\u0161kemi i varme\u0111inskemi hi\u017eami itd. Ali jaj si ga onomu, na kojega turo se zru\u0161i kajti ga tak zmlati i \u0161\u010drba da mu budeju celi falati krp iz prknja doli viseli. Ako pak koj otec ali mati svoje dete z \u0161ibum jedno mal prepuca, to bu samo solika<\/em>.<\/p>\n

 <\/p>\n

<\/a>Od vetrov<\/em><\/strong><\/p>\n

Ovo leto dva vetri<\/em>, najmre zgorec<\/em> i zdolec<\/em> budu najve\u010d vojuvali. Zgorec pri oneh kojem se odzgor<\/em>, zdolec pak pri oneh kojem se odzdol<\/em> od jestvin koje rade napinjaju, spuhavalo bude.<\/p>\n

 <\/p>\n

<\/a>Od grmlavice i treskavice<\/em><\/strong><\/p>\n

Druga\u010d ni navada da bi pri nas po zimi grmelo, a jo\u0161 menje da bi treskalo. Ovo vendar leto bude takvo da se i po zimi bude stra\u0161no grmeti i treskati \u010dulo. Kad najmre zel mu\u017e na svoju \u017eenu ali pak pijani gospodar na svoje hi\u017enike i dru\u017einu vikal i larmal bude, onda bude grmelo<\/em>. I kajti srditeh \u017een je povsud dosta, zato bude ovo leto i treskavic <\/em>prez broja. Ova pak nastane kad takva srditka o\u0161to vrata za sobum tresne<\/em>. Kajti pak kad grmi, onda rad se i de\u017e\u0111 zleva. Zato kad gde vu koji hi\u017ei velika halbuka podigne se, onda zajedno iz o\u010dih vnoge mehke i \u010dutljive \u017een\u010dice tihi i topli de\u017e\u0111ek spusti se.<\/p>\n

 <\/p>\n

<\/a>Od vremena ovoga leta vu op\u010dinskom<\/em><\/strong><\/p>\n

Kaj se vremena<\/em> ovoga leta vu op\u010dinskom doti\u010de, to jedino je znati da o Bo\u017ei\u010du<\/em> ne budu vrane od vru\u010dine zevale niti se pak o Ivanju<\/em> pe\u010di kurile zvun onda samo kada se bude pri koji hi\u017ei kruh pekel.<\/p>\n

 <\/p>\n

<\/a>Od ovoga leta plodnosti<\/em><\/strong><\/p>\n

Ovo leto bude jako dobro i ze vsem bogato i oblino. Kaj se sada doti\u010de, med jabukami <\/em>budu one najrodne\u0161e koje se sr\u010dike<\/em> zoveju i koje iz prepovedane ljubavi cveta pora\u0111aju se. Ove jabuke nisu zlo\u010deste duhe zato je nekoji radi pridihavaju i kad je \u010dlovek zagrize, \u010diniju se te\u010dne i slatke i re\u010di bi da od njih na svetu ve\u010d nikaj bolj\u0161ega nije. Ali vendar ova hvala njih nejde, jedno zato kajti ne daju se dugo \u010duvati iliti nisu za stali\u0161. Drugo kaj je ba\u0161 jako ne preporu\u010da, je to kajti ve\u010d pod zadnje rade ogor\u010daju iliti \u017euhke postanu. Principium<\/em> scilicet<\/em> dulce est<\/em>, ast finis amarus amoris.<\/em><\/p>\n

Zmed hru\u0161ek \u010drnice<\/em> i \u0161terfi\u010dki<\/em> letos dobro obrodiju kajti takveh dost bude koji se z glavum ali vu stenu ali vu gredu ali vu vrata jekneju ali pak na led opadneju kakti na priliku dija\u010dinci kaj se budeju skozali ili sanjkali i tak na \u010delu \u0161terfi\u010dka<\/em> ali \u010drlenicu hru\u0161ku<\/em> dobiju.<\/p>\n

Modric sliv, <\/em>koje se druga\u010d bistrice<\/em> zoveju, takaj\u0161e ovo leto ne bude menjkalo kajti znam dobro da koj taj mu\u017e svoju \u017eenu ali pak majstor svojega de\u010dka po ple\u010dih vse do \u010drnjavkih<\/em> i modric<\/em> izbije.<\/p>\n

Jagode<\/em> po nosu i po licu pijancev i pijankih letos lepo \u010drlenele<\/em> se budu. Neg takaj\u0161e i dost \u010dasa za dozreti \u010dez celo leto budeju imale.<\/p>\n

Kaj se gliv<\/em> doti\u010de, njih letos od one samo fele vno\u017eina bude koje se nore<\/em> zoveju kajti poleg svedo\u010danstva mudroga Cicerona: \u201eStultorum plena sunt omnia.\u201c Ipak jeden drugi veli:<\/p>\n

\u201eCredere si rultis, nundus scatet undique stultis;<\/p>\n

Naris stultorum navigat omne forum.\u201c<\/p>\n

Nit rib <\/em>ovo leto ne zmenjka. Najve\u010d pak bude oneh kurtasteh<\/em> koje se druga\u010d belke<\/em> zoveju, kaj takaj pisaneh \u0161aran<\/em>ov. Ali z ovemi, kajti nisu tak skupe i lehko dobiti se moreju, samo priprosti \u010dastili se budeju. One pak z rogami <\/em>iliti vizovina<\/em>, kakti pre\u0161timane\u0161a, bude za vek\u0161e stole.<\/p>\n

 <\/p>\n

<\/a>Od kukcev i nesnag ovoga leta<\/em><\/strong><\/p>\n

Kukcev<\/em> najmre takveh koji se radi na ruki delaju i svoje zlo vi\u0161ekrat do sklu\u010denja prstov tirati znaju i letos nefaleno bude. Ali Bo\u017ee, odvrni ti ovu stra\u0161nu ka\u0161tigu od kotrigov na\u0161eh! Kuliko pak je jadoviteh \u017een po svetu, tuliko i ka\u010d<\/em> i tuliko zlateni\u010dneh mu\u017eev koji od srditosti taki pozeleneju, tuliko letos gu\u0161\u010darov<\/em> bude.<\/p>\n

 <\/p>\n

<\/a>Od ostale leto\u0161njega leta \u017eivine<\/em><\/strong><\/p>\n

Letos bude takaj puno stra\u0161ljiveh zajecov, zgrabljiveh vukov, jalneh cuckov, ljuteh oroslanov, ne\u010disteh svinj, bedasteh oslov, gizdaveh pavov, nemirneh mi\u0161ov itd.<\/p>\n

 <\/p>\n

<\/a>Leto\u0161nji betegi<\/em><\/strong><\/p>\n

Letos bude povsud jako svet beteguval, ali od toga g. vra\u010diteli i apotekari ne budu nikakve hasne imali. Vu Argentangini <\/em>bete\u017eni le\u017eali budeju vsi oni koji su preve\u010d na visoko<\/em> topori\u0161\u010de nasa\u0111eni. Hydropim<\/em> iliti vodeni beteg dobiju nekoje lepe<\/em> koje ne budu hotele dobro doma<\/em> \u010duvati. Ove iste opadneju vu Lypothymiu <\/em>iliti omilavicu kad \u017ealosnu dobiju po\u0161tu da njihov dragi<\/em> z kojem su se ufale sre\u010dne postati, je kruha pogubil ali pak vu skrovenem<\/em> betegu postavljen te\u0161tament tela. Palpitationem Cordis<\/em> iliti Herzklopfen, <\/em>kaj se po horvatski \u201enaglo i jako srca treptanje i tu\u010denje\u201c re\u010di more, \u010dutili budeju vsi jako zaljubleni<\/em>. Chiragru<\/em> iliti vuloge na rukah budeju imali skupci<\/em>. Kojem se pak ne bude hotelo iti vu cirkvu, znati bude taki da su podgarici<\/em>, to je da vuloge ali \u0161kripce na nogaj imaju. A za Gonagrum <\/em>iliti z vulogi na kolenu budeju posla imali oni koji po podiganjem i onda kad budeju videli me\u0161nika z Bo\u017eanstvom iti k bete\u017eniku, svoja kolena ne budu prignuti hoteli. Amantes <\/em>postaneju amentes<\/em>, to je: koji se preve\u010d zaljube, oni pamet pogube. Koji ne budu hoteli prode\u010dtvo i cirkvene navuke poslu\u0161ati, o\u010divesto znamenje bude da Othalgiu<\/em> imaju iliti da je vuha boliju. Retina<\/em> iliti mrena na oku naredi se onem zakonskem <\/em>koji se nikak videti<\/em> ne moreju. Na Cardialgiu<\/em> iliti na srca bol budu se tu\u017eile one kavi\u010darke<\/em> (Kaffeeschwestern) kotereh dragi <\/em>odideju za regimentom. Koji budeju imali zlo\u010destu vest iliti Conscientiu<\/em>, oni budu koliki<\/em> podvr\u017eeni. Glava<\/em> bude bantuvala one koji se pri dobri volji spozabiju da quintum poculum de Klemlekensi<\/em> ali de Monte Claudio <\/em>ve\u010d je cephalalgicum<\/em>. Vu Miserere <\/em>prepadneju one tu\u017ene matere koje z vno\u017einum drobne de\u010dice kakti orgulicami prez mu\u017ea ostaneju. A kad gdo komu re\u010de: Redde, quod debes<\/em>, to je: plati kaj si du\u017een, onda takvoga terjanoga<\/em> na jenkrat hudi ka\u0161el<\/em>, ako mu se pak jo\u0161 k tomu z ekselencijum<\/em> iliti oglobum<\/em> zagrozi, Catarrhus suffocativus<\/em>, iliti zadu\u0161nica pograbi. (Danica zagrebe\u010dka 1841: 2\u20137)<\/p>\n

 <\/p>\n

<\/a>Sme\u0161ni Martin<\/em><\/strong><\/p>\n

Jedno\u010d vu prijatelskem razgovoru bil je na\u0161 Martin opitan bi li kaj od dobreh lastovitostih zakonskeh ljudih znal povedati. \u201eNekaj po malo\u201c, odgovori Martin, \u201ekuliko zvun spoznanja ili ve\u0161\u010dnost suditi bi mogle za potrebnost takveh, postavemo ova slede\u010da: 1-vi\u010d zakonski ljudi moraju imati dobre zube da vse zgristi i pregisti moreju; 2-o\u010d oni moraju dobre prste imati kajti vi\u0161ekrat \u010dez prste moraju gledati; 3-i\u010d moraju imati dobroga hrbta da budu mogli vsa podnesti; 4-i\u010d moraju imati dobroga \u017eeluca da najtvrde\u0161e zalogaje budu mogli prekuhati; 5-i\u010d moraju imati dobra ramena da z njimi vi\u0161ekrat budu mogli dobro micati; 6-i\u010d moraju imati dobre noge kajti njih vi\u0161ekrat \u010di\u017eme ti\u0161\u010de. (Danica zagrebe\u010dka 1841: 60 \u2013 61)<\/p>\n","protected":false},"excerpt":{"rendered":"

Ciganu ne veruj Kad bi se nekoj mu\u017e z Ciganom za konja bil poga\u0111al, pital ga je ima li kakvu falingu. \u201eDruge falinge nema\u201c, rekel mu je Cigan, \u201esamo kaj na drvo ne\u010de.\u201c Mislil si je mu\u017e vu sebi: \u201eO, ti \u0161upla glavica, pak kad si videl konja na drvo iti!\u201c Ali za kratki \u010das … <\/p>\n

Nastavi \u010ditati “Iz Danice zagrebe\u010dke: \u0160egave pripovesti i zganke”<\/span><\/a><\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":[],"guten_post_layout_featured_media_urls":{"full":false,"thumbnail":false,"medium":false,"medium_large":false,"large":false,"1536x1536":false,"2048x2048":false,"guten_post_layout_landscape_large":false,"guten_post_layout_portrait_large":false,"guten_post_layout_square_large":false,"guten_post_layout_landscape":false,"guten_post_layout_portrait":false,"guten_post_layout_square":false,"twentyseventeen-featured-image":false,"twentyseventeen-thumbnail-avatar":false},"_links":{"self":[{"href":"https:\/\/kristijanovic.jezik.hr\/index.php\/wp-json\/wp\/v2\/pages\/99"}],"collection":[{"href":"https:\/\/kristijanovic.jezik.hr\/index.php\/wp-json\/wp\/v2\/pages"}],"about":[{"href":"https:\/\/kristijanovic.jezik.hr\/index.php\/wp-json\/wp\/v2\/types\/page"}],"author":[{"embeddable":true,"href":"https:\/\/kristijanovic.jezik.hr\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/kristijanovic.jezik.hr\/index.php\/wp-json\/wp\/v2\/comments?post=99"}],"version-history":[{"count":10,"href":"https:\/\/kristijanovic.jezik.hr\/index.php\/wp-json\/wp\/v2\/pages\/99\/revisions"}],"predecessor-version":[{"id":209,"href":"https:\/\/kristijanovic.jezik.hr\/index.php\/wp-json\/wp\/v2\/pages\/99\/revisions\/209"}],"wp:attachment":[{"href":"https:\/\/kristijanovic.jezik.hr\/index.php\/wp-json\/wp\/v2\/media?parent=99"}],"curies":[{"name":"wp","href":"https:\/\/api.w.org\/{rel}","templated":true}]}}