{"id":106,"date":"2020-07-09T15:09:05","date_gmt":"2020-07-09T15:09:05","guid":{"rendered":"http:\/\/ihjj.hr\/kristijanovic\/?page_id=106"},"modified":"2021-01-15T19:33:53","modified_gmt":"2021-01-15T19:33:53","slug":"iz-danice-zagrebecke-zanimljivosti","status":"publish","type":"page","link":"https:\/\/kristijanovic.jezik.hr\/index.php\/iz-danice-zagrebecke-zanimljivosti\/","title":{"rendered":"Iz Danice zagrebe\u010dke: Zanimljivosti"},"content":{"rendered":"

<\/a>Amerikanski torec<\/em><\/strong><\/p>\n

Vu Kanadi orsagu torec je dva cepeli\u0161e dug i k du\u017eini svojoj primerno debel. Njegov dugi rep je kosmat, a krzno \u010drno ima zmes bele piknje. Po dnevu ne vidi i zato se lestor pod ve\u010der, kad na pa\u0161u ide, vi\u0111eva. Kanadijanci jeju meso njegovo, ma\u0161\u010du pako njegovu potrebuju za ran vra\u010denje. Ovde\u0161nji torec zbrizgava, ili: iz sebe hita na 15 do 20 anglijanskeh refov daline svoju smrdu\u010du vodu na onoga koj na njega navaljuje. (Danica zagrebe\u010dka 1835: 52)<\/p>\n

 <\/p>\n

<\/a>Sivi medved<\/em><\/strong><\/p>\n

Vu severnoj slobodnoj Ameriki, navlastito na zapadnoj strani proti potoku Kolumbija zvanem, naha\u0111aju se sivi medvedi koji su najljute\u0161e i strahovite\u0161e zveri. Ovo \u017eivin\u010de zraste veliko kakti kakva krava i zvun toga je od velike jakosti. Kad se na koga postavlja, onda se na zadnje noge osovi i joj si ga konju ali ja\u0161cu koj vu njegve devet palcov duge kramplje dospe! Okolo leta 1810. bilo ih je po ravnicah jo\u0161\u010de vnogo, medtem toga od kada se Indijanci nazad potegnuli jesu, je se takaj i ova zver prestanila vu gore i onde \u017eive vu dupljih koja si na kraju bregov ali pak pod korenjem drevja zdube. Primerno drugem navadnem medvedom ljubi sad i korenji\u010de koje si z svojemi prednjemi tacami skaplje. Ali i meso \u017eere ter neretko puti postavlja se na bivola kojega kada ga obatali, odvle\u010de k svojemu duplju pak se onde z njim po malo hrani. Na njega idu lovci na konjih i na njih podstupljuju se \u010disto blizu njega dojti. Ni\u0161tar manje vendar takov mora znati dobro zga\u0111ati kajti zmed vseh zverin ovoga medveda je najte\u017ee\u0161e streljiti pokehdob vnogo ran more podnesti predi nego opadne. Jedino ako se v srce ali glavu zgodi, onda mahom opadne. Na ovakvoga medveda idu samo oni koji su naj\u0111er\u0111erne\u0161i i koji se potlam z tem pred drugemi \u0161timati ho\u010deju. (Danica zagrebe\u010dka 1840: 75)<\/p>\n

 <\/p>\n

<\/a>Po\u010detek pemske zemlje i kraljestva<\/em><\/strong><\/p>\n

Jedno\u010d oprosil sem nekojega pre\u0161timanoga \u010dloveka da bi mi hotel povedati kakvem na\u010dinom je se zapo\u010delo pemsko kraljestvo i koji su bili pre\u0111i njegveh stanovnikov, gdo je nje na pravu veru obrnul i kad je na kraljevsku \u010dast podignjeno.<\/p>\n

I odgovoril mi je ov pre\u0161timani \u010dlovek:<\/p>\n

\u201eZ drage volje ho\u010du ti na tvoje pitanje odgovoriti. Pemsko kraljestvo je se zapo\u010delo o vremenu Abrahama patrijarke i ovo ljudstvo isha\u0111a od Vandalcev koji su do\u0161li iz \u0161irokoga Sinearskoga polja iz Azije vu Europu. Med ovem ljudstvom je se naha\u0111al jeden plemi\u010d koj je iz glasovite krvi isha\u0111al i zval se je \u010ceh<\/em>, ov isti pako bil je rodom Horvat i postavil se je njim za vo\u0111u ter posvojil ov orsag koj se za onda jo\u0161\u010de ni obdelaval i bil je z \u0161umami ves zara\u0161\u010den. On je dal \u0161ume kr\u010diti i z ljudmi naseliti. Kad bi pako njegov brat po imenu Leh <\/em>bil spazil njegvo bogatstvo, kak on orsaga i ljudi ravna i lada ter da ima obilne \u010drede i vno\u017einu zemelj za obdelavanje, odi\u0161el je proti ishodu i naselil se je na \u0161irokom i ravnem ter od velikeh \u0161um opkoljenem polju koje je on Poljsku zemlju ozval ter tak on skupaj z svojem bratom za kratek \u010das je bil na veliko po\u0161tenje i i gospodstvo izvi\u0161en.<\/p>\n

Ovi obodva brati jesu dugo i zmo\u017eno ladali, \u010ceh vu Pemski, a Leh vu Poljski zemlji. Kad bi pako prve\u0161i iz ovoga sveta bil pozvan, izebrali su si Pemci Kroku\u0161a za svojega vo\u0111u kojemu se zevsem vsega izru\u010dili i podlo\u017eili jesu.<\/p>\n

Kroku\u0161 je na visokem bregu vuz Moldavu podignul \u010dvrstu tvr\u0111avu i vumrv\u0161i ostavil je za svoj odvetek tri k\u010dere: Libusu<\/em>, Brelu<\/em> i Terbu<\/em>, zmed kojeh najstare\u0161a Libusa<\/em> je namesto svojega oca prijela ladanje i dala Vi\u0161egradsku tvr\u0111avu z jakemi zidmi opkoliti. Brela <\/em>je vse zabavljala z prire\u0111uvanjem vsakoja\u010dkeh vra\u010dtvih. Terba<\/em> pako je zvr\u0161avala grabancija\u0161iju.<\/p>\n

Ali, za kratek \u010das po\u010deli su si Pemci misliti da se to ne pristoji da bi sama \u017eena nad tak velikem i jakem pukom ladala i odre\u0111uvala kaj vsi stanovniki celoga orsaga \u010diniti ali ostaviti bi morali. Kaj prvi\u010d to bi bila Libusa<\/em> za\u010dula, je vu zborju najpoglevite\u0161eh zmed ljudstva ova izvustila:<\/p>\n

‘Ja sem moj odvetni orsag preve\u010d krotko i milostivno ladala, ali od vezda budete od mojega ladanja oslobo\u0111erni ar sem namislila vam dati \u010dloveka i vojvodu koj vas naj ravna i kojega vi, kak ne dvojim, budete pre\u0161timavali. Hote anda i ispeljajte mojega konja na polje i tam dojdu\u010di spustete ga ter hote za njim kamgoder bude sam hotel iti doklam ipak sam ob sebi stane pred \u010dlovekom koj na polju sede\u010di kani na \u017eeleznem stolu ve\u010derjati. Dobro pazete: ov isti \u010dlovek bude moj tovaru\u0161, va\u0161 pako ladavec!’<\/p>\n

Kad bi anda pemski velika\u0161i bili spazili da konj zbilja \u010disto prost svojem putom ide, tak su i oni, primerom dane sebi od Libuse<\/em> zapovedi, zmir za njim \u0161etuvali doklam goder konj na polju je opstal stoje\u010d pred nekojem poljodelavcem koj se je zval Primislav<\/em>. Ov je ravno prire\u0111uval svoj plug vu nakanenju da bude svrhu njega obrokuval, anda: to je bil \u017eelezni stol.<\/p>\n

Na to su vsi velika\u0161i pristupili k Primislavu<\/em> ter su njega kakti svojega ladavca i gospona pozdravljati po\u010deli i posadiv\u0161i ovoga vrednoga \u010dloveka na konja, otpeljali su ga vu dvor k Libusi<\/em>. Vre pako, pokehdob je imal na svojeh nogah opanjke koje on kruto skrbljivo je zamatal i spravljal ter z sobum vu grad ponesel. Kaj kad bi vsa gospoda bila videla, pitali su njega k \u010demu on svoju zlo\u010destu obu\u010du z sobum jemlje. On pako je njim odgovoril:<\/p>\n

‘Ja \u010du ovu zlo\u010destu obu\u010du zadr\u017eati i nju vu Vi\u0161egradu marljivo spraviti da moji odvetki danas\u2013 sutra znati i zeznati moreju gdo je zmed tulike pemske gospode ladanje i ravanje ovoga orsaga zadobil.’<\/p>\n

I nut ovo je po\u010detek Pemskoga kraljestva koje su po redu ravnali vnogi vojvode koji vsi jesu bili poganini doklam zadnji\u010d Ber\u017eivoj<\/em> skupa z svojum tovari\u0161ucum je prijel veru kr\u0161\u010dansko\u2013katoli\u010dansku. Ovi obodva jesu bili kr\u0161\u010deni od pemskoga biskupa Metodiju\u0161a, <\/em>kaj vide\u010de ljudstvo, vno\u017eina mladeh i stareh je nje nasleduvala i postali su kr\u0161\u010deniki. To se je dogodilo vu letu po Kri\u0161tu\u0161evem naro\u0111enju 905. Ali i sada jo\u0161\u010de je bila ostala Pemska samoladno vojvodstvo doklam zadnji\u010d Henrik<\/em>, cesar ovoga imena peti, vu velikem orsa\u010dkem zboru vu vara\u0161u Mainc<\/em> zvanem pred vsem vo\u0111ami, knezi i ostalum gospodum njim je dal Vratislava <\/em>za prvoga kralja ter njemu jo\u0161\u010de k tomu Moravsku<\/em>, Silezitsku<\/em> i \u0160lavsku <\/em>zemlju je pridal. To pako je v\u010dinjeno vu letu 1086. (Nekoji zadnji\u010d vele da je bila Pemska zemlja vre vu dnevih Fridriha <\/em>ovem imenom prvoga cesara na kraljevinu podignjena.).<\/p>\n

Od ovoga \u010dasa po\u010dem\u0161i jesu vnogi kralji ladali vu Pemski zemlji i nju takaj ra\u0161irili. Pemska koruna je se takaj pribrajala k onem sedmem izborni\u010dkem vojvodam po kojeh se je novoizebrani rimski cesar vsigdar moral potvrditi, dapa\u010de, ova ista \u010dast je bila takaj na nekuliko pemskeh kraljev prene\u0161ena koji takaj kakti rimski cesari jesu glasoviti postali.<\/p>\n

Nut, sada zna\u0161 na kratkom po\u010detek Pemskoga kraljestva koje vi\u0161nji Bog naj z svojemi milo\u0161\u010dami na dalje obiljuje da pod svojem vezda\u0161njem milostivno i odi\u010deno ladaju\u010dem kraljem Ferdinandom, ovoga imena prvem austrijanskem cesarom, a petem vugerskem kraljem, vsevdilj lep\u0161e i sre\u010dne\u0161e napreduje.\u201c (Danica zagrebe\u010dka 1840: 79\u201383)<\/p>\n","protected":false},"excerpt":{"rendered":"

Amerikanski torec Vu Kanadi orsagu torec je dva cepeli\u0161e dug i k du\u017eini svojoj primerno debel. Njegov dugi rep je kosmat, a krzno \u010drno ima zmes bele piknje. Po dnevu ne vidi i zato se lestor pod ve\u010der, kad na pa\u0161u ide, vi\u0111eva. Kanadijanci jeju meso njegovo, ma\u0161\u010du pako njegovu potrebuju za ran vra\u010denje. Ovde\u0161nji … <\/p>\n

Nastavi \u010ditati “Iz Danice zagrebe\u010dke: Zanimljivosti”<\/span><\/a><\/p>\n","protected":false},"author":1,"featured_media":0,"parent":0,"menu_order":0,"comment_status":"closed","ping_status":"closed","template":"","meta":[],"guten_post_layout_featured_media_urls":{"full":false,"thumbnail":false,"medium":false,"medium_large":false,"large":false,"1536x1536":false,"2048x2048":false,"guten_post_layout_landscape_large":false,"guten_post_layout_portrait_large":false,"guten_post_layout_square_large":false,"guten_post_layout_landscape":false,"guten_post_layout_portrait":false,"guten_post_layout_square":false,"twentyseventeen-featured-image":false,"twentyseventeen-thumbnail-avatar":false},"_links":{"self":[{"href":"https:\/\/kristijanovic.jezik.hr\/index.php\/wp-json\/wp\/v2\/pages\/106"}],"collection":[{"href":"https:\/\/kristijanovic.jezik.hr\/index.php\/wp-json\/wp\/v2\/pages"}],"about":[{"href":"https:\/\/kristijanovic.jezik.hr\/index.php\/wp-json\/wp\/v2\/types\/page"}],"author":[{"embeddable":true,"href":"https:\/\/kristijanovic.jezik.hr\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/kristijanovic.jezik.hr\/index.php\/wp-json\/wp\/v2\/comments?post=106"}],"version-history":[{"count":4,"href":"https:\/\/kristijanovic.jezik.hr\/index.php\/wp-json\/wp\/v2\/pages\/106\/revisions"}],"predecessor-version":[{"id":207,"href":"https:\/\/kristijanovic.jezik.hr\/index.php\/wp-json\/wp\/v2\/pages\/106\/revisions\/207"}],"wp:attachment":[{"href":"https:\/\/kristijanovic.jezik.hr\/index.php\/wp-json\/wp\/v2\/media?parent=106"}],"curies":[{"name":"wp","href":"https:\/\/api.w.org\/{rel}","templated":true}]}}